Дүйшеев: «Кумтөрдү улутташтыруунун кажети жок»

«Учурда Кумтөрдү улутташтыруу боюнча эч кандайкереги жок. Аны улутташтырганы менен бир жылдан соң кайра кыйроого учурашы мүмкүн», — деп билдирди  Кыргызстандын тоо-кен өнөр-жай жана геологдор бирикмесинин башчысы Орозбек Дүйшеев. 

Кумтөр жана Жерүй тоо-кен өнөр-жай долбоору – бул Кыргызстандын келечеги. Бирок, тоо-кен адистерин ойлондурган маселе, бул тармактан эч кандай түшүнүгү жок саясатчылар, анализ кылбай туруп макулдашууну кайрадан карап чыгуу демилгесин көтөрүшүүдө. 

 «Кумтөр өлкө үчүн эч нерсе алып келген жок деп айтышат.  23 жылда Кумтөр Кыргызстанга 3,7 млрд.$ киреше алып келген. Кумтөргө тиешелүү суроолорду илимдин, инженерия жана экономикалык эсептин негизинде чечүү керек. Азыркы макулдашылган долбоордо мунун баары карлаган», — деп кошумчалады Орозбек Дүйшеев.