«Кыргыз почтасы» менен Namba Group компаниясы кызматташат

“Кыргыз почтасы” менен Namba Group кызматташуу боюнча меморандумга кол коюшту. Бул тууралуу “Кыргыз почтасы” ишканасынын басма сөз кызматы билдирди.

Бул өнөктөштүк төмөнкү багыттар боюнча иш алып барат:

• Маркетплей колдонуучуларына товарларды жеткирүүнү уюштуруу жана өнүктүрүү.
• "Намба" төлөм системалары аркылуу товарлар жана кызмат көрсөтүүлөр үчүн төлөмдөрдү жана эсептешүүлөрдү кабыл алууну жана иштетүүнү уюштуруу.
• Почта кызматын уюштуруу.

Белгилеп кетсек, Namba Groupтун IT продукту namba.kg Кыргызстанда 2007-жылдан бери иштеп келет.

Бүгүнкү күндө Namba тобунун IT продуктыларына төлөм системасы, жеткирүү кызматы, такси кызматы, азык-түлүктөрдү бекер жеткирүү, B2B базары, өз алдынча иштегендер үчүн кызмат, төлөм агрегатору жана бир катар башка кызматтар кирет.