«Кыргызалтында» бир жыл ичинде алтынчы жолу директорлор кеңешинде өзгөрүү болду
"Кыргызалтын" ачык акционердик коомунун директорлор кеңеши Акыл Токтобаевди коомдун директорлор кеңешинин мүчөсү, төраганын орун басары кылып шайлоо жөнүндө чечим кабыл алды.
Буга чейин, 6-июнда, "Кыргызалтын" ишканасы директорлор кеңешинин 31-майдагы жыйынында Азамат Алиевди башкармалыктын курамынан жана төраганын коопсуздук жана жергиликтүү калк менен иштөө боюнча орун басарлыгынан аппараттын түзүмүн оптималдаштырууга байланыштуу бошотуу боюнча чечим чыгарган.
Белгилей кетсек, жыл башынан бери "Кыргызалтын" ААКнын директорлор кеңешинин курамына алты жолу өзгөртүү киргизилген.