Дүйнөдөгү 27 валютанын наркы кыргыз сомуна карата төмөндөп кетти

Венгр форинти, жаңы түрк лирасы, поляк акчасы, ал түгүл швед кронунун курсу кыргыз сомуна карата солгундап кетти. Бул тууралуу улуттук банктын маалыматынан белгилүү болду.

Ушул жылы 19-июндан 25-июнга чейин форинт 4,5% га, ал эми швед крону 3,47% га алсырады. Жалпысынан, кыргыз сомуна карата арзандаган валюталардын тизмесине 27 акча бирдиги кирет.

Ошол эле учурда, Армениялык драм сомго карата позициясын 1,01% га бекемдеди. Азербайжан манаты, дирхам, тажик сомониси, саудиялык риал жана түркмөн манаты (+0.01) дагы бир аз өссө, грузин лари жана бразилиялык реал тиешелүүлүгүнө жараша 0,09% жана 0,95% га кымбаттаган.