Кыргызстан-Азербайжан өнүктүрүү фонду жакында ишин баштайт

Кыргызстан-Азербайжан өнүктүрүү фондун түзүү боюнча иштер аягына чыгып калды. Бул тууралуу Novosti.kgге Экономика жана соода министринин орун басары Айнура Үсөнбекова билдирди.

Маалыматка ылайык, аталган фонд жакын арада ишин баштайт.

Эске салсак, Кыргызстан-Азербайжан өнүктүрүү фондун түзүү боюнча тиешелүү макулдашууга былтыр күздө Азербайжандын президенти Илхам Алиевдин Кыргызстанга болгон мамлекеттик сапарында кол коюлган. Анын баштапкы капиталы 25 миллион долларды түзөт.