Кыргызстан Европанын үч өлкөсү менен визасыз режимди талкуулоодо

Кыргызстан Австрия, Бельгия жана Германиянын өкмөттөрү менен визасыз режим боюнча сүйлөшүүлөрдү жүргүзүүдө. Бул тууралуу Жогорку Кеңештин жыйынында тышкы иштер министри Жээнбек Кулубаев билдирди.

"Визасыз режим боюнча сүйлөшүүдө негизги кыйынчылык, аталган  мамлекеттер Шенген зонасында жайгашкан. Биз менен визасыз режим боюнча келишим түзүү үчүн алар башка өлкөлөр менен макулдашышы керек", - деп түшүндүрдү министр.

Анын айтымында, быйыл Австрия жана Бельгияга визасыз режим киргизилиши мүмкүн.