Кыргызстан коллекциялык монеталарды Европа жана Америка өлкөлөрүнө экспорттогон

Ушул жылы Кыргызстан Европа жана Америка өлкөлөрүнө 134,7 миң долларлык нумизматикалык монеталарды жеткирди. Маалымат Улуттук статистикалык комитеттин сайтында жарыяланды.

Мекеменин маалыматы боюнча, коллекциялык монеталардын эң чоң партиясы (300 килограмм) Мексикага кеткен. Бүтүмдүн суммасы 35,8 миң долларды же 3 млн 117,4 миң сомду түздү. Акчалай алганда эң чоң бүтүм Австрия менен түзүлдү - 52,5 миң долларга же 4,8 миллион сомго.

Белгилеп кетсек, экспортко кайсы нумизматикалык коллекциялар жөнөтүлгөнүн аныктоо мүмкүн болгон жок.