Кыргызстан менен Түркия соода жүгүртүүнү 1 млрд долларга жеткирүү ниетинде

Тышкы иштер министри Жээнбек Кулубаев Түркиянын Тышкы иштер министрлигинин башчысы Мевлют Чавушоглу биргелешкен стратегиялык пландоо тобунун бешинчи жыйынын өткөрүштү. Бул тууралуу Тышкы иштер министрлигинин басма сөз кызматы билдирди.

Тараптар заманбап шарттарда транзиттик транспорт коридорлорун өнүктүрүүнүн маанилүүлүгүн белгилешти, ошондой эле эл аралык кургак, аба жана темир жол транспортунун потенциалын кеңейтүү боюнча мындан аркы тыгыз иш алып барууга даяр экендиктерин билдиришти.

Мындан тышкары, Кыргызстан менен Түркиянын тышкы иштер министрлери эки өлкөнүн лидерлери тарабынан өлкө ортосундагы сооданын көлөмүн 1 миллиард долларга чейин көтөрүү максатын ишке ашырууга макулдашышты. Буга байланыштуу кыргыз-түрк өнүктүрүү фонду талкууланды.