Кыргызстандын Корея менен товар алмашуусу 10.5 млн долларды түзгөн

2020-жылдын январь-апрель айларында Кыргызстан үчүнчү өлкөлөр менен соода алмашууну кыскарткан (КМШ жана ЕАЭБ өлкөлөрүнөн тышкары). Бул тууралуу Улуттук статистикалык комитетинин маалыматтарында айтылат.

Жыл башынан бери Кыргызстандын үчүнчү өлкөлөр менен товар алмашуусу 989.4 млн долларды түзгөн. Экспорт 475.1 млн долларды түзгөн, бул былтыркы жылга салыштырмалуу 12.2 пайызга көп. Импорт 514.3 млн долларды түзүп, 2019-жылга салыштырмалуу 46.8 пайызга төмөндөгөн.

Кыргызстандын Корея менен жыл башынан берки товар алмашуусу 10.5 млн долларды түзүп, 2019-жылга салыштырмалуу 7.6 пайызга көбөйгөн, ал эми импорт 10.3 млн долларды түзүп, 2019-жылга караганда 35 пайызга өскөн.