Өлкөдө 2024-жылга чейин мамлекеттик ишканалардын кирешеси 20,5%га өсүшү күтүлүүдө

Мамлекеттик жана муниципалдык ишканалардын ишинин жыйынтыгы боюнча, ушул жылы алдын ала киреше 500 млн сомду түзөт, бул пандемия учурунан 21 млн 430,7 миң сомго же 4,1%га төмөн. Мындай маалыматтарды Финансы министрлиги келтирди.

Белгилей кетсек, 2022-жылдан тарта тиешелүү ведомствонун божомолуна ылайык, мамлекеттик ишканалардын кирешеси өсөт. 2024-жылга карата ал 602,5 млн сомгө же 20,5 пайызга өсөт.

Эске салсак, 2020-2022-жылдарга мамлекеттик мүлктү менчиктештирүү боюнча масштабдуу программага ылайык, мамлекет 25 компанияны жана алардын акцияларын сатууну көздөп жатат. Биринчи сатуу-сатып алуу боюнча келишим ушул жылдын декабрына пландаштырылган.