Кыргызстан Кытайга үч эсе көп экспорттой баштады

Быйылкы жылдын январь айында Кыргызстан менен Кытайдын ортосундагы өз ара сооданын көлөмү 304 миллион 463,6 миң долларга жетип, өткөн жылдын ушул мезгилине салыштырмалуу 24,9%га өстү. Бул тууралуу Улуттук статистикалык комитеттин материалдарында айтылат.

Кытайдан импорттун көлөмү 298 миллион 752,4 миң долларды түзүп, 2022-жылдын январь айына салыштырмалуу 23,5%га өстү.

Кытайга экспорт өткөн жылдын ушул мезгилиндеги 1 миллион 809 миң долларга салыштырмалуу 215,7 пайызга өсүп, 5 миллион 711,2 миң долларга жетти.