Кыргызстандыктар жыл башынан бери 8,8 млрд сом насыя алышты

Ушул жылдын биринчи кварталында Кыргызстандын микрокредиттик уюмдары 8,8 миллиард сом өлчөмүндө насыя беришти. Бул тууралуу Улуттук статистикалык комитеттен маалым болду.

Кредиттердин жарыяланган көлөмү 152 миң адамга бөлүштүрүлдү, бул өткөн жылдын ушул мезгилине салыштырмалуу көрсөткүчтүн 3,4%га өскөндүгүн билдирет. Ошону менен бирге, көрсөтүлгөн мезгилде микрокредиттер менен камтылган калктын саны 9,8%га кыскарган. Негизинен, статистика көрсөткөндөй, кыргызстандыктар керектөө муктаждыктары үчүн микрокредиттик уюмдардан карыз алышкан.

Микрокредит алуучулардын басымдуусу Ош шаарында болду –жалпы сандын 25%ы. Андан кийинки орунда Жалал-Абад облусу жана Бишкек шаары - 15%дан.

Микрокредиттерди төлөөнүн деңгээли белгиленген мөөнөттө ушул жылдын 1-кварталында өткөн жылдын тийиштүү мезгилине салыштырмалуу 2,2%га өсүү менен 91%ды түздү.