Кыргызстандыктар микрокредиттерди көбүрөөк ала башташты

Өткөн жылы микрокредиттик уюмдар тарабынан берилген кредиттердин көлөмү 39 миллиард сомдон ашса, ал эми алуучулардын саны 672 миң адамды түздү. Мындай маалыматты Улуттук статистикалык комитет билдирет.

2021-жылга салыштырмалуу микрокредит менен камтылган калктын саны 4,3%га, ал эми берилген микрокредиттин көлөмү 6%га өстү.

"Көбүрөөк сумма Бишкек (7,4 млрд сом, же берилген микрокредиттердин жалпы көлөмүнүн 19%ы), Ош (6,8 млрд сом, же 17,4%), Чүй (6,4 млрд сом, же 16,3%) жана Жалал-Абад облустарынав (5,7 млрд. сом же 14,6%) берилген", - деп белгиледи Улуттук статистикалык комитет.

Мында ссудалардын 48,5% керектөө муктаждыктары үчүн алынган.

"Өткөн жылга салыштырмалуу керектөөчү микрокредиттердин үлүшүнүн (+10 пайыздык пунктка) олуттуу өсүшү байкалды, ал эми айыл чарбасында, тескерисинче, 5,1 пайыздык пунктка, курулушта 2,1 пайыздык пунктка кыскарды", - деп айтылат Улуттук статистикалык комитеттин маалыматында.

Ошол эле учурда кайтаруу көрсөткүчү 97,1%ды түздү.