Кыргызстанда күрөөканалардын үчтөн экиси мыйзам бузууда

Өлкөдө катталган 412 күрөөкананын үчтөн экиси мыйзам бузуу менен иштеп жатат. Күрөөканалар дагы эле минималдуу капиталдык талаптарды аткара элек. Бул тууралуу Финансылык көзөмөл органы билдирди. 

Мекеменин маалыматы боюнча, 15-ноябрга карата Кыргызстан боюнча 131 гана күрөөкана уставдык капиталын эң аз талап кылынган 1 миллион сомго чейин көбөйткөн.

Белгилей кетсек, Министрлер кабинетинин капиталды 1 миллион сомго чейин көбөйтүү боюнча токтому 2022-жылдын 24-июнунда кабыл алынган. Токтом 1-июлдан тарта күчүнө кирген.

Эске салсак, күрөөканаларга уставдык капиталга керектүү каражатты табууга бир жума убакыт берилген.