Кыргызстандын мектептеринде 900дөн ашуун мугалим жетишсиз

Быйылкы жылдын январына карата республиканын мектептеринде 929 мугалим жетишсиз. Билим берүү министрлигинен маалым болгондой, алардын эң көбү же 305 мугалим Чүй облусундагы мектептерде тартыш.

Ал эми Бишкекте – 191, Баткен облусунда – 142, Ош облусунда – 112, Ысык-Көл облусунда – 78, Жалал-Абад облусунда – 60, Талас облусунда – 20, Нарын облусунда – 12, Ош шаарында – 9 мугалим жетишсиз.

Бишкек шаарында математика мугалимине көбүрөөк суроо-талап бар, башкача айтканда, 24 киши керек. Баткен облусунда көбүнчө музыка мугалимдери жетишсиз же 37 музыка мугалими керек, Жалал-Абад облусунда – 16 орус тили мугалими, Нарын облусунда – 6 физика мугалими, Ош облусунда – 19 музыка мугалими, Чуй облусунда – 42 орус тили мугалими, Ысык-Көл облусунда – 14 орус тили мугалими тартыш.

Белгилеп кетсек, бүгүнкү күндө республикада 82 миңден ашуун мектеп мугалими бар.