Ломбард өз кардарларын тобокелдик деңгээли боюнча квалификациялоого тийиш

Финансылык мекемелер жана финансылык эмес категориядагы жактар өз кардарларын тобокелдик критерийлерине ылайык классификациялоого милдеттүү. Бул тууралуу Каржы рыногун жөнгө салуу жана көзөмөлдөө кызматынан билдиришти.

Өкмөттүн 2018-жылдын 25-декабрындагы токтому менен бекитилген Кардарга тиешелүү экспертизаны жүргүзүүнүн тартиби жөнүндө жобонун 11-пунктуна ылайык, финансылык мекемелер жана финансылык эмес категориядагы жактар кардарларын тобокелдик критерийлерине ылайык классификациялоого милдеттүү: жогорку жана төмөн.

“Ушуга байланыштуу ломбарддар, камсыздандыруу брокерлери, камсыздандыруу уюмдары, кайра камсыздандыруу уюмдары, топтоо пенсиялык фонддору жана баалуу кагаздар рыногунун кесипкөй катышуучулары практикалык колдонуу үчүн бул буйрукту жетекчиликке алышы керек”, - деп белгилейт аталган кызмат.