Республика боюнча баанын максималдуу өсүшү Талас облусунда катталган

Кыргызстанда 2020-жылдын январь-апрель айларында 2019-жылдын декабрь айына салыштырмалуу керектөөчү товар жана тарифтерге болгон баа республика боюнча 5% жогорулаган. Бул тууралуу Улуттук статистикалык комитети билдирди. 

Баанын өсүшү тамак-аш азыктары жана алкоголсуз ичимдикке болгон баанын - 10.1%, алкогол жана тамекинин - 5.2%, кызматтардын - 0.1% кымбатташы менен шартталган. Үстүбүздөгү жылдын апрель айында, өткөн жылдын декабрь айына салыштырмалуу азык-түлүк эмес товарларга болгон баа 0.2% төмөндөгөн. 

Керектөөчү товар жана тарифтерге болгон баанын өсүшү республика боюнча катталган. Муну менен катар Талас облусунда баа 7.1% кымбаттап, максималдуу көрсөткүчтү берген.