Банктар аралык соода доллардын 79,5 сомго чейин арзандашы менен ачылды

Коммерциялык банктар 18-июлда банктар аралык валюта аукциондорунда 2,5 миллион доллар сатып алышты. Бул тууралуу маалымат Улуттук банктын сайтында жарыяланды.

Соода доллардын курсунун 79,5 сомго чейин төмөндөшү менен ачылса, буга чейинки, 15-июлдагы соода 80,5 сомго жабылды.

Валюта аукционунун жабылышы менен америкалык валюта 80 сомго чейин көтөрүлдү.

Белгилеп кетсек, бүгүнкү күндө доллардын расмий курсу 80,0811 сомду түзсө, накталай операциялар 82-84 сомдун тегерегинде жүргүзүлүүдө.