Кыргызстандын эл аралык резерви 48 млн долларга төмөндөдү

Быйылкы жылдын январь айынын аягында Кыргызстандын дүң эл аралык резерви 2 миллиард 749,99 миллион долларды түзсө, анын ликвиддүү бөлүгү 2 миллиард 668,98 миллион доллар болду.

2022-жылдын декабрына салыштырмалуу каражат 1,7%га же 48,1 млн долларга, 2022-жылдын январына карата 0,5%га же 12,41 млн долларга азайган.

Эске салсак, 10-январда Кыргызстандын Улуттук банкы эң ири валюталык интервенция жасап, резервден бир эле учурда 104 миллион 250 миң долларды саткан.