Каржы министрлиги декабрь айында мамлекеттик карызды тейлөөгө канча каражат жумшала турганын айтты

Декабрга карата республикалык бюджетте Кыргызстандын мамлекеттик карызын тейлөөгө кеткен чыгымдарга 1 миллиард 219 миллион 465,4 миң сом бөлүнгөн. Бул тууралуу Каржы министрлиги билдирди. 

Бул бир ай мурда карызды төлөөгө 2 миллиард 229,7 миллион сом бөлүнгөндөн 1 миллиард сомго аз.

Ведомствонун маалыматына ылайык, 31-октябрга карата республиканын мамлекеттик карызынын көлөмү 4 миллиард 885,50 миллион долларды же 414 миллиард 290,77 миллион сомду түздү.