Мбанктын дагы 605,5 миң акциясы сатылды

Кыргыз фондулук биржасынын соода аянтчасынын экинчилик рыногунда Мбанктын ("Кыргызстан" коммерциялык банкы) акцияларын сатуу боюнча жети бүтүм катталды. Маалымат биржа сайтына жарыяланды. 

Жалпысынан 605 миң 539 жөнөкөй акция 6 млн 660 миң 933 сомго сатылды. Бир акциянын баасы 11 сомду түздү.

Эске салсак, кечээ банктын 11,7 млн сомдук акциялары экинчилик рынокто да ар бири 11 сомдон сатылган.