Сентябрдын аягында Кыргызстандын мамлекеттик карызы бир аз кыскарды

Ушул жылдын сентябрь айынын аягында Кыргызстандын тышкы жана ички карызынын көлөмү 4 миллиард 865,85 миллион долларды же 412 миллиард 578,68 миллион сомду түздү, деп билдирди Каржы министрлиги.

Жалпы сумманын 85,3%ы же 4 млрд 151,72 млн доллары (352 млрд 27,33 млн сом) мамлекеттик карыз республиканын тышкы карыздарына туура келет. Калган 14,7%ы 714,13 млн доллар (60 млрд 551,35 млн сом) мамлекеттик ички карыз.

Кошумчалай кетсек, бир ай мурункуга салыштырмалуу Кыргызстандын мамлекеттик карызы 412 миллиард 613 миллион сомду, же 4 миллиард 871,46 миллион долларды түзгөн.