Кыргызстанда сарыкты дарылоого 97 млн сомдон ашык каражат жумшалат

Саламаттык сактоо министрлигинин Республикалык СПИД борбору сарыкты дарылоо үчүн дары-дармек сатып алууга тендер жарыялады. Бул тууралуу мамлекеттик сатып алуулар сайтында жарыяланды.

Тендердин жалпы суммасы 97 миллион 797 миң сомду түзөт.

Акча үч дары сатып алууга жумшалат:

• Софосбувир — 54 миллион сом;
• Энтекавир — 24,3 миллион сом;
• Тенофовир дизопроксил фумараты – 19,4 млн.