Базар-Коргондогу оорукананын балдар бөлүмүн оңдоого 23,7 млн сом бөлүнөт
Базар-Коргон Жалпы дарыгердик практика борборунун балдар бөлүмүн оңдоого 23,7 млн сомго тендер жарыяланды. Бул тууралуу Мамлекеттик сатып алуулар сайтына жарыяланды.
Тендердин баасы 23 миллион 738 миң 453 сомду түзөт. Бул каражатка тендерди аткарган тарап Жалпы дарыгердик практика борборунун балдар бөлүмүнүн имаратын оңдоп-түзөшү керек. Ага ылайык, терезелерди алмаштыруу, дубалдарды шыбоо, витраждарды демонтаждоо, сырдоо ж.б иштери кирет.
Оңдоо иштери келишим түзүлгөндөн кийин бир айдын ичинде толук бүткөрүлүшү керек.