Баткендиктерге жардам катары атайын эсепке 73,9 млн сом түштү

Ушул жылдын 12-майына карата Баткен облусунун ыйгарым укуктуу өкүлчүлүгүнүн эсебине 73 миллион 899,3 миң сом которулган. Мындай маалыматтарды республиканын Экономика жана финансы министрлиги билдирди.

Жеке жана юридикалык жактардан эсепке акча каражаттары 3-майда түшө баштаган. Бирок негизги которуулар 4-майда башталган.

Эске салсак, ар бир адам өз ыктыяры менен Баткен облусунун жашоочуларына колдоо көрсөтүү үчүн каражат которсо болот.