Январь-март айларында Жогорку Кеңешке бюджеттен 151,7 млн сом сарпталган

Борбордук казыналыктын маалыматы боюнча, үч айда Жогорку Кеңешти кармоого республикалык бюджеттен 151 миллион 737,7 миң сом сарпталды.

Анын ичинен 111 миллион 737,7 миң сом же 73,6% парламенттин кызматкерлеринин эмгек акысы.

Белгилей кетсек, 2020-жылдын ушул мезгилине салыштырмалуу ЖК үчүн чыгым 6,8 миллион сомго көбөйгөн. Өсүш эмгек акыга чыгымдардын 9,78% га көбөйүшү менен шартталган.

Каралып жаткан мезгилде бөлүмдөр үчүн бюджеттин жалпы чыгымдары 34 миллиард 915,3 миллион сомду түзгөндүгүн кошумчалай кетели.