Валюта аукциондорунда доллардын курсу 83 сомдон ашты

Быйылкы жылдын 27-октябрындагы банктар аралык валюта аукционунда комбанктар 8 миллион 850 миң доллар сатып алышты. Бул тууралуу Улуттук банктын сайтына жарыяланды.

Келишим түзүлгөн күнү эсептелген сумма 4,6 миллион долларды, ал эми келишим түзүлгөн күндөн башка күнгө эсептелген сумма 4 миллион 250 миң долларды түздү.

Америка валютасы 1 доллардын ачылыш курсу 82,86 сом менен сатылды, жабылуу курсу 1 доллар үчүн 83,15 сом деп бекитилди. Доллардын мындай өсүшү акыркы жолу 2022-жылдын 14-октябрында катталган.