Түштүк-батыш чек арада 600 миң сомдук контрабанда колго түштү

Чек ара кызматы "Мамай" участкасында Өзбекстандан келе жаткан тамеки заттарынын аткезчилик жолун токтотту. Бул тууралуу аталган башкармалыктын басма сөз кызматы билдирди.

Белгилүү болгондой, Кыргыз Республикасынын жараны бажыда декларацияланбаган тиешелүү жүк ташуу документтерисиз Кыргызстандын аймагына 20 куту никотин каптарын алып өтүүгө аракет кылган.

Товардын жалпы наркы 600 миң сомду түзсө, ал эми бажы төлөмдөрүнүн алдын ала төлөнгөн суммасы 206 миң сомдон ашты.

Факт боюнча учурда сотко чейинки процесстер башталды.