Улуттук банк алтын резервдерин 3,8 эсе көбөйттү

Улуттук банктын активдери былтыр 12 айда 395 миллиард 671,1 миллион сомду түздү. Бул тууралуу маалымат жөнгө салуучу органдын финансылык отчетунда айтылат. 

Мурунку 2021-жылга салыштырмалуу алар 25,72%га өскөн. Өсүү жөнгө салуучу органдын алтын резервдерин көбөйтүшүнө байланыштуу.

Жыл ичинде Улуттук банктын баалуу металлдар боюнча активдери 63,2%га, 50 млрд 159,1 млн сомдон 81 млрд 833,8 млн сомго чейин жогорулаган. Ал эми монетардык эмес алтын жана алтындагы резервдер 3,78 эсеге, башкача айтканда, 35 миллиард 411,2 миллион сомдон 133 миллиард 962,2 миллион сомго чейин көбөйгөн. 

Ошол эле учурда, башка активдер 68,4%га көбөйгөн. Анын ичинен банктарга жана эл аралык уюмдарга насыялар 61,9%га, материалдык эмес активдер 52,2%га олуттуу кыскарган.