Улуттук банк интервенция жасап, валюта рыногуна 55,2 млн доллар сатты

Улуттук банк 16-ноябрда 10-марттан бери биринчи жолу валюта рыногуна интервенция менен чыкты.

Мекеме дароо 55,2 миллион доллар сатты. Бул ушул жылдын эң ири интервенцияларынын бири. Жалпысынан жыл башынан бери Улуттук банк алты жолу интервенция менен валюта рыногуна чыккан. Анын алкагында накталай эмес түрдө 272 миллион 850 миң доллар, дагы 66 миллион 650 миң долларды накталай түрдө сатылды.

Мындан тышкары, Улуттук банк жети жолу тескери интервенция жасап, анын алкагында валюта рыногунда 190 миллион 740 миң доллар сатып алган.