Улуттук банк эки акча алмаштыруучу жайдын лицензиясын токтотту

Кыргызстандын мыйзамдарынын жана Улуттук банктын ченемдик укуктук актыларынын талаптарын бузгандыгы үчүн эки алмашуу бюросунун лицензиялары убактылуу токтотулду. Бул тууралуу көзөмөл органынын сайтында маалымдалды.

Тактап айтканда, 18-майдан 1-июнга чейин "МОСИ" ЖЧКсынын жана "ЯСИЙН" ЖЧКсынын акча алмаштыруучу жайларынын лицензиялары убактылуу токтотулган. Эки акча алмаштыруучу жай тең Жалал-Абадда иштеп келген.

Буга чейин Улуттук банк микрофинансы уюмдарынын бирине бир эле адамга берилген кредиттердин максималдуу жалпы суммасы боюнча талаптарды бузгандыгы үчүн айып салганын кошумчалайбыз.