Улуттук банк тогузунчу интервенция жасап, 62,2 млн доллар сатты

Улуттук банк 24-майда кайрадан Кыргызстандын валюта рыногуна чыгып, 62,2 миллион доллар сатты. Бул азырынча быйылкы жылдын эң ири интервенциясы.

Анын ичинен Улуттук банк 2 миллион долларды бүтүм түзүлгөн күндөгү эсептешүүлөр менен, дагы 60,2 миллион доллары бүтүм түзүлгөн күндөн башка эсептешүүлөр менен сатты.

Бул жыл башынан бери өлкөнүн башкы каржы мекемесинин тогузунчу интервенциясы. Улуттук банк сомду колдоо үчүн бул аралыкта жалпысынан 456 миллион 640 миң доллар сатты.

Белгилеп кетсек, интервенция доллардын курсу кескин көтөрүлүп же түшүп кеткенде жасалат.