Улуттук банк “Грин Лайн ЖСМ” төлөм операторунун лицензиясын кайтарып алды

Кыргызстандын Улуттук банкынын төлөм системасы боюнча комитетинин токтому менен “Грин Лайн ЖСМ” ЖЧКнын төлөм уюмунун лицензиясын 3-марттан тартып кайтарып алуу чечими кабыл алынды.

Чечим Улуттук банктын ченемдик укуктук актыларынын талаптарын бузгандыгы үчүн кабыл алынган.

Белгилей кетсек, жокко чыгарылган лицензия компанияга калкка интернет төлөмдөрдү кабыл алуу жана жүргүзүү, товарлар жана кызмат көрсөтүүлөр үчүн эсептешүү кызматтарын көрсөтүү укугун берген.