Улуттук банк мамлекеттик баалуу кагаздарды жайгаштыруу боюнча аукцион өткөрөт

Мамлекеттик казына векселдерин жайгаштыруу боюнча аукцион 12-ай жүгүртүү мөөнөтү менен 6-майда өткөрүлөт. Бул тууралуу Улуттук банктан билдиришти.

Чыгарылган сумма 60 миллион сомду түзөт.

Мындан тышкары, 7-майда жүгүртүү мөөнөтү үч жыл болгон мамлекеттик баалуу кагаздарды жайгаштыруу боюнча аукцион болот.

Эмиссиянын көлөмү 250 миллион сомду түзөт.

Кошумчалай кетсек, мамлекеттик 3 жылдык казына облигацияларынын купондук ченинин өлчөмү 5% деп белгиленген.