Кыргызстан 2 млрд киловатт-саат электр энергиясын импорттоону макулдашты

Бир күн мурда болуп өткөн Коопсуздук кеңешинин жыйынында Садыр Жапаров республика 2 миллиард киловатт-саат электр энергиясын импорттоого макулдашканын билдирди. Бул тууралуу президенттин маалымат кызматынан кабарлашты.

Бирок электр энергиясы кайсы өлкөдөн ташылаарын басма сөз кызматы да, өлкө башчысы да такташкан жок.

Эске салсак, Кыргызстанда электр энергиясы таңсык болууда. Буга чейин Энергетика жана өнөр жай министри Кыргызстанга электр энергиясын экспорттогон өлкөлөр жеткирүүнү токтотконун билдирген.