Туристтик аймактар интернет менен камсыздалбай жатканы айтылды

Кыргызстандыктар интернетке айына 7 доллар коротсо, АКШда орточо эсеп менен 50 доллар сарпталат. Бул тууралуу Digital Kyrgyzstan PLUS форумунда “Кыргызстан заманбап санариптик профилге карай жолдо” биринчи сессиясынын модератору Эдуард Турдалиев билдирди.

Ал белгилегендей, республикада штаттарга караганда кымбатыраак жабдуулар орнотулган, бул өлкөнүн аймагын интернет менен жакшы камтууга мүмкүндүк берет.

Турдалиев ошону менен бирге туристтерди байланыш менен камсыз кылуу зарылдыгына көңүл бурду.

"Ала-Арча" мамлекеттик жаратылыш паркына туристтер көп келишет, бирок ал жерде дагы деле байланыш жок, бул конокторго көлөкө түшүрүүдө", - дейт Эдуард Турдалиев.

Өз кезегинде санариптик өнүктүрүү министринин орун басары Индира Шаршенова ведомство республика боюнча байланышты камсыз кылуу боюнча иштерди жүргүзүп жаткандыгына ишендирди.