Өкмөт 100 миң сомго чейин насыя алган жарандарга жардам берет. Токтомго кол коюлду

13-ноябрь күнү Кыргызстандын финансы-кредиттик уюмдарынан насыя алган жарандарга мамлекеттик колдоо көрсөтүү жөнүндө токтомго кол коюлду. Бул тууралуу Өкмөттүн сайтында айтылат.

Документте айтылгандай, финансы-кредиттик уюмдардан кредит алган жана пандемияга байланыштуу оор социалдык-экономикалык абалга кабылган зайымчыларга мамлекеттик колдоо көрсөтүү, банк жана финансы системасынын туруктуулугун камсыз кылуу максатында 100 миң сомго чейин насыя алган жарандардын, үч айлык пайыздык үстөгүн төлөө боюнча токтом кабыл алынды. 

Токтом күчүнө кирген күндөн тарта насыя алуучуларга маалымдалуусу шарт.