Октябрда бюджетке киреше 28% аз түштү

Республикалык бюджетке ктүшкөн кирешенин көлөмү 21-октябрга карата 6 млрд 881 млн сомду түздү. Бул өткөн жылдын ушул эле мезгилине салыштырмалуу 2 млрд 710 млн сомго же 28% аз. Мындай  маалыматты финансы министрлиги билдирди. 

Ведомстводон белгилешкендей, бюджеттин корголгон беренелери биринчи кезекте каржыланат. 

21-октябрга карата төмөнкү багыттар  каржыланды: 

• бюджет тармагында иштегендердин эмгек акысына — 1 млрд 460 млн сом; 
• пенсияга — 1 млрд 834 млн сом;
• социалдык жөлөк пулдарга — 769 млн сом;
• саламаттык сактоо тармагына — 883.5 млн сом.

Октябрь айынан башынан тарта 6 млрд 144 млн сом сарпталды. Муну менен катар бардык чыгымдардын өз максаттары бар жана  бекитилген «2020-жылга карата Республикалык бюджет» мыйзамына ылайык жумшалат.