Ош шаарын өнүктүрүү боюнча беш ири долбоор ишке ашат
Ош шаарынын инфраструктурасын жакшыртуу максатында беш ири долбоорду ишке ашыруу пландалууда. Бул тууралуу Ош шаардык мэриясынан билдиришти.
Белгилеп кетсек, Бүткүл дүйнөлүк банк Ош шаарынын инфраструктурасын өнүктүрүүгө 6 млн. доллар грант берген.
Аткарыла турган долбоорлор:
- Ак-Буура дарыясынын эки жээгин бекемдөө (2-этап);
- С. Ибраимов атындагы Улуттук Драма театрынын айланасын оңдоп-түзөө;
- А. Навои эс алуу жайынын бир бөлүгүнө атайын эс алуу аймагын куруу;
- Т. Сатылганов атындагы эс алуу багындагы жайкы театрды оңдоп-түзөө;
- Борбордук аянттагы фонтан.