Ош шаарында «Агро Экспо – 2023» жарманкеси өтүүдө

Оштогу Султан Ибраимов атындагы Ош улуттук драма театрында “Ресурстарды үнөмдөөчү технологиялар жана климаттын өзгөрүүсүнө ыңгайлашуу” деген темада “Агро Экспо - 2023”  жарманкеси өтүүдө. Бул тууралуу Ош мэриясынан билдиришти. 

Аталган жарманкеге өсүмдүктөрдү коргоо каражаттары, үрөн, жаңы технология жана кызмат көрсөтүү тармагындагы өндүрүүчүлөр жана дыйкандар катышууда. 

Иш-чара төмөнкү багыттарда өтөт: 

• айыл чарбасында ресурстарды үнөмдөөчү технологиялар;
• айыл чарба өсүмдүктөрүнүн үрөндөрү;
• өсүмдүктөрдү коргоо каражаттары жана жер семирткичтер;
• асыл тукум мал;
• мал чарбачылыгын өнүктүрүү үчүн өнүмдөр;
• жергиликтүү өндүрүүчүлөрдүн көчөттөрү жана башка табигый азыктары.

Мындан тышкары, агрономия, мал чарбачылыгы, балчылык, агроөнөр жай комплексинде киреше алып келүүчү кызмат көрсөтүүлөр, финансылык жана инвестициялык кызматтар боюнча акысыз кеңештер берилет. 

Жарманке 2-3-мартта өтөт.