Ошто банкоматтардан акча уурдоого шектелген эки жаран кармалды

Ош облусунда банкоматтарды талкалап, андан акча уурдоого шектелген эки жаран кармалды. Бул тууралуу Ош шаардык милициясы билдирди. 

Алдын ала маалыматтар боюнча, шектүү жарандар Ош шаарында, Ош облусунун Өзгөн, Кара-Суу, Ноокат райондорунда жана Жалал-Абад облусунун Базар-Коргон районунда уурулук кылышкан. 

“Жалпы 2022-жылдын январынан 2023-жылдын февраль айына чейин 19 кылмыш иши жасалган. Шектүүлөр Ноокат районунун 31 жаштагы жана Ош шаарынын 37 жаштагы тургуну. Экөө теӊ мурда бир нече жолу сот жообуна тартылышкан”, - деп айтылат маалыматта. 

Учурда аталган кылмыш иши боюнча тергөө иштери жүрүүдө.