Ата мекендик компаниялар Индияда заводдорду ачууну каалашат

Бишкекте Индиянын Кыргызстандагы элчилиги жана JIA бизнес-ассоциациясы тарабынан уюштурулган “Кыргызстан менен Индиянын соода жана инвестициялык мүмкүнчүлүктөрү” аттуу тегерек стол өтүүдө.

Иш-чарага Индия менен Кыргызстандын ортосундагы кызматташтыктын келечегин талкуулоо үчүн соода, инвестиция, укук жана бизнес сыяктуу түрдүү тармактардын, ошондой эле мамлекеттик органдардын өкүлдөрү чогулду.

Тегерек столдо төмөнкү маанилүү темалар талкууланат:

• Индияда кыргыз компаниялары тарабынан ишканалардын ачылышы;
• Индияга ишкердик визаларды берүү жол-жоболорун жөнөкөйлөтүү жана медициналык туризмди өнүктүрүү;
• Индия менен Борбордук Азиянын ортосундагы соода мамилелерин кеңейтүү;
• Индия менен Кыргызстандын ортосундагы экономикалык кызматташтыктын мүмкүнчүлүктөрү;
• Кыргызстандагы инвестициялык климат.