Пахта айдаган дыйкандар гектарына 40 миң сом зыянга учуроодо

Жогорку Кеңештин жыйынында депутат Алишер Козуев пахта өстүргөн дыйкандардын чыгымы гектарына 30-40 миң сомду түзөрүн айтты.

Анын айтымында, дыйкандар пахта саткан беш завод бар. Анын баасы 1 кг 60 сом. Бул заводдордун кожоюндары пахтаны кабыл алуу баасын төмөндөтүү үчүн сүйлөшүп алып жатышат.

Алишер Козуев дыйкандар жана Экономика министрлиги менен Айыл чарба министрликтеринин кызматкерлери менен жолугушуу уюштурууну сунуштады.

“Биз бул фермерлерге жеткиликтүү насыя берүүнү карашыбыз керек. Ошондой эле келечекте ушундай кырдаалдын алдын алуу жолдорун ойлонушубуз керек”, - деди ал.