Бишкекте патенти жок иштеп жаткан 22 субъекти аныкталды
Мамлекеттик салык кызматынын кызматкерлери бир күндүн ичинде Бишкек шаарында пландалган рейддик иш-чаралардын жүрүшүндө милдеттүү патенттин жана камсыздандыруу полистеринин негизинде 22 субъект салык төлөбөй иштеп жаткандыгын аныкташты. Бул тууралуу мекеменин басма сөз кызматы билдирди.
Маалыматка ылайык, алардын ичинен 2 сауна, 1 мончо, 1 алмашуу бюро, 13 чач тарач жана сулуулук салон, 3 стоматология жана 2 унаа жуугуч салык төлөбөстөн иш жүргүзүшкөн.
Текшерүүлөрдүн жыйынтыгы боюнча КР мыйзамдарына ылайык айыптар салынды жана милдеттүү патент берүү камсыздалды.
Бул багыттагы иштер дагы улантылат.