Былтыр 640 миң салык төлөөчү салык декларациясын тапшырды

Былтыркы жылга бирдиктүү салык декларациясын 640 миң 990 салык төлөөчү тапшырса, анын 583 миң 770и электрондук түрдө берилген. Бул тууралуу Мамлекеттик салык кызматы билдирди.

Бул былтыркыга салыштырмалуу 131 миң 322 декларацияга көп.

Анын ичинде декларацияны 52 миң 978 уюм, 197 миң 609 жеке ишкер, 325 миң 740 жеке жак, ошондой эле 64 миң 663 мамлекеттик жана муниципалдык кызматкер тапшырган.

Эске салсак, декларациялоо кампаниясы ушул жылдын башынан 1-апрелге чейин - юридикалык жактар ​​жана мамлекеттик жана муниципалдык кызматкерлер үчүн, ал эми 1-майга чейин - жеке адамдар жана жеке ишкерлер үчүн жүргүзүлгөн.