Кыргызстандыктардын дээрлик 12%ы түшүм сатуу менен киреше табат

Ушул жылдын биринчи кварталында калктын номиналдык акчалай кирешеси 180,2 млрд сомду түзүп, өткөн жылдын тийиштүү мезгилине салыштырмалуу 20,8%га өстү. Мындай маалыматты Улуттук статистикалык комитет билдирди.

Акчанын негизги булактары болуп эмгек ишмердүүлүгүнөн алынган кирешелер түздү, алардын кирешелердин түзүмүндөгү үлүшү 70,8%ды, социалдык трансферттерден түшкөн кирешелер - 14,3%ды жана жеке көмөкчү чарбаларда өндүрүлгөн айыл чарба продукциясын сатуудан - 11,9%ды түздү.

Керектөө бааларынын индексин эске алуу менен эсептелген калктын реалдуу акчалай кирешесинин көлөмү 2023-жылдын биринчи кварталында 157 миллиард сомду түзүп, өткөн жылдын тийиштүү мезгилине салыштырмалуу 5,3%га өстү.