Чек арачылар 670 миң сомго контрабандалык жүктү кармашты

Чек арачылар чек арадан аткезчилик жол менен жүк ташууну токтотушту. Бул тууралуу УКМКнын басма сөз кызматы билдирди.

Маалыматка ылайык, чек арачылар Баткен облусунун Баткен районундагы Кара-Бак айылынан жүк ташуучу унаа үчүн эки даана жаңы унаа резина табышты.

Ошол эле күнү Кожом-Булак аймагында чек арачы Тажикстандан 18 кутуча ROTHMANS тамекисин Кыргызстанга мыйзамсыз алып өтүүгө аракет кылган Кыргыз Республикасынын жаранын кармашты.

Алдын ала маалыматтар боюнча, кармалган товардын жалпы наркы 670 миң сомду түзгөн.

Тиешелүү документтер толтурулгандан кийин кармалган адам жана жүктөр кошумча иликтөө үчүн орган кызматкерлерине өткөрүлүп берилди.