Баткенге 139 млн сомдон ашык компенсация төлөндү

Баткен облусунда үйлөрү күйүп кеткен жарандарга бир жолку компенсацияга 139 миллион сомдон ашык каражат жумшалды. Бул тууралуу Каржы министрлиги билдирди. 

Белгилеп кетсек, Баткендеги чек арадагы чыр-чатакта жабыркаган жарандар үчүн ачылган атайын эсепке 330 миллион 755 миң сом которулган. Анын 139 миллион 552 миң сому бир жолку компенсацияга жумшалган.

“Өткөн жылдагы 4 млн 898 миң сом калдыкты кошкондо, жумшала элек каражат 196 млн 101,5 миң сомду түзөт”, - деп айтылат маалыматта.