Чүй облусунун ишканалары эмгек акыга 139,9 млн сом карыз

Ушул жылдын 1-июлуна карата Кыргызстандын ишканалары чакан компанияларды кошпогондо, кызматкерлерине 321,7 миллион сом эмгек акы карызы бар, деп билдирди улуттук статистикалык комитет.

Өткөн жылдын ушул күнүнө салыштырмалуу компаниялардын карызы 11,4%га өстү.

Эмгек акы боюнча жалпы карыздын эң көп үлүшү Чүй (43,5%), Баткен (14,1%) жана Жалал-Абад (11,1%) облустары, ошондой эле, Бишкек шаарынын ишканаларынын жана уюмдарынын кызматкерлерине туура келет (13,8%).

Белгилей кетсек, Талас облусундагы компаниялар гана өз кызматкерлерине эмгек акысын толугу менен төлөп берген.