2020-жылы камсыздандыруу компанияларынын кирешеси 6.3% жогорулаган

2020-жылы Кыргызстандагы камсыздандыруу компаниялары 1.7 млрд сом киреше табышкан. Өсүү өткөн жылга салыштырмалуу 6.3% түздү. Бул тууралуу Улуттук статистикалык комитеттен билдиришти. 

 

Кирешелердин башкы бөлүгү камсыздандыруу төгүмдөрүнөн түшкөн. Муну менен катар, камсыздандыруу компанияларынын таза кирешеси 275 млн сомго жеткен. Бул 2019-жылга салыштырмалуу 41% жогору. 

Белгилей кетсек, түзүлгөн келишимдердин жалпы санындагы милдеттүү жана ыктыярдуу камсыздандыруунун үлүшү бирдей бөлүнгөн.

Ошол эле учурда бекитилген келишимдердин дээрлик 87% физикалык жактар менен түзүлгөн. 

Кошумчалай кетсек, Кыргызстанда 15 камсыздандыруу компаниялары бар.